Acha Mola ! Teri Marzi Tu Jis Haal Mein Rakhay

Ads go here

Hijr Ki Shab Mein Qaid Karay Ya Subh-e-Visaal Mein Rakhay
Acha Mola ! Teri Marzi Tu Jis Haal Mein Rakhay,

Khail Ye Kaisa Khail Rahi Hai Dil Se Teri Mohabbat
Ik Pal Sarshaari De aur Dino'n Malaal Mein Rakhay,

Mein Ne Saari Khushbuain aanchal Se Baandh K Rakhin
Shayad In Ka Zikr Tu apnay Kisi Sawaal Mein Rakhay,

Kisi Se Tere aanay Ki Sargoshi Ko Suntay Hi
Mein Ne Kitnay Phool Chunay aur apni Shaal Mein Rakhay,

Mushkil Bun Kar Toot Padi Hai Dil Per Ye Tanhai
Ab Jaanay Ye Kab Tak Isko apnay Jaal Mein Rakhay.

Ads go here