Guzray Dinon Ki Yaad Barasti Ghata Lagay

Ads go here

Guzray Dinon Ki Yaad Barasti Ghata Lagay
Guzrun Jo Us Ki Gali Se To Thandi Hawa Lagay

Mehmaan Ban Ke Aaye Agar Kisi Roz Wo Shakhs
Is Roz Bin Sajaaye Mera Ghar Sajaa Lagay

Mein Is Liye Manaata Nahi Vasl Ki Khushi
Mere Raqeeb Ki Na Mujhe Bad-Dua Lagay

Wo Qehat Dosti Ka Parra Hai Ke In Dinon
Jo Muskura Ke Baat Karay Aashna Lagay

Tark-e-Wafaa Ke Baad Ye Oski Adaa Qateel!
Mujh Ko Sataaye Koi To Usko Bura Lagay.
Ads go here