Hazaron dukh pare'n sehna mohabbat mar nahin sakti

Ads go here

Hazaron dukh pare'n sehna mohabbat mar nahin sakti
Hai tum se bus yehi kehna mohabbat mar nahin sakti

Tera har baar mere khat ko parhna aur ro daina
Maira har baar likh daina mohabbat mar nahin sakti

Kiya tha hum ne campus ki nadi par ik haseen waada
Bhalay hum ko paray marna mohabbat mar nahin sakti

Jahan main jab talak panchi chehktay urtay phirtay hain
Hai jab tak phool ka khilna mohabbat mar nahin sakti

Purane ehad ko jab zinda karne ka khayal aaye
Mujhe bus itna likh daina mohabbat mar nahin sakti

Wo tera hijar ki shab main fone rakhnay se zara pehlay
Bohat rotay hue kehna mohabbat mar nahin sakti

Agar hum hasraton ki qabar main hi dafan ho jayen
To ye kitabon pe likh daina mohabbat mar nahin sakti

Purane rabton ko phir naye waday ki khawahish hai
Zara ik baar to kehna mohabbat mar nahin sakti

Gaye lamhat fursat k kahan se dhoond kar laun
Wo pehron hath par likhna mohabbat mar nahin sakti
Ads go here