Kahin jaye usay meri duaen yaad karti hain

Ads go here

Kahin jaye usay meri duaen yaad karti hain,
Usay kehna usay meri wafayen yaad karti hain,

Main aksar aayine k samne be-chain rehti hoon,
Kisi ne khat mein likha hai, adayain yaad karti hain,

Usay kehna khazayen aagayi hain ab to laut aaye,
Usay kehna december ki hawaayain yaad karti hain,

Usey kehna ke aankhon mein ghanni badli si chaayi hai,
Jinhain dil pe barasna hai, ghatayain yaad karti hain,

Gya tha jab Tu meri khawhishain bhi sath le jata,
Lahu mein naachti kuch iltijayen yaad karti hain.

Ads go here