Kal hamesha ki tarha us ne kaha ye fone par

Ads go here

 Kal hamesha ki tarha us ne kaha ye fone par
 Mein bohat masroof hoon mujh ko bohat se kaam hain

 Is liye tum ao milney mein to aa sakti nahin
 Har riwayat torr kar is baar mein ne keh diya

 Tum jo ho masroof to mein bhi bohat masroof hoon
 Tum jo ho mashhoor to mein bhi bohat maroof Hoon

 Tum agar ghamgeen ho mein bhi bohat ranjoor Hoon
 Tum thakan se choor to mein bhi thakan se choor Hoon

 Jan-e-man hai waqt mera bhi bohat hi qeemti
 Kuch purane doston ne milne aana hai abhi

 Mein bhi ab farigh nahin mujh ko bhi lakhon kaam hain
 Warna kehne ko to sab lamhe tumhare naam hain

 Meri ankhein bhi bohat bojhal hain sona hai mujhe
 Ratjagon ke baad ab neendon mein Khona hai mujhe

 Mein lahoo apni anaon ka bhaha sakta nahin
 Tum nahin aati to milney mein bhi aa sakta nahin

 Us ko ye keh kar Wasi mein Ne reciever rakh diya!
 Aur phir apni ana k paon pe sar rakh diya.
Ads go here