Naseeb Aazmane K Din Aa Rahe Hain

Ads go here

Naseeb Aazmaane K Din Aa Rahe Hain
Qareeb Un Ke Aane K Din Aa Rahe Hain

Jo Dil Se Kaha Hai Jo Dil Se Suna Hai
Sab Un Ko Sunane K Din Aa Rahe Hain

Abhi Se Dil-O-Jaan Sar-E-Raah Rakh Do
Ke Lutne Lutaane K Din Aa Rahe Hain

Tapakne Lagi Un Nigaahon Se Masti
Nigahain Churaane K Din Aa Rahe Hain

Saba Phir Hamain Puuchti Phir Rahi Hai
Chaman Ko Sajaane K Din Aa Rahe Hain

Chalo Faiz! Phir Se Kahin Dil Lagayen
Suna Hai Thikaane K Din Aa Rahe Hain.

Ads go here