Tere mehndi lage hathon pe mera naam likha hai

Ads go here

Tere mehndi lage hathon pe mera naam likha hai,
Zara se lafzz main kitna paighaam likha hai,

Ye teri shaan ke shayaa'n nahin lekin majboori,
Teri masti bhari ankhon ko mene jaam likha hai,

Main shayar hoon, magar agey na barh paya riwayat se,
Labon ko pankhri, zulfon ko mene shaam likha hai,

Mujhe maut aaye gi jab bhi tere pehluu main ayegi,
Tere gham ne bohat acha mera anjaam likha hai,

Meri qismat mein hai ik din griftaar-e-wafaa hona,
Mere chehre pe tere pyaar ka ilzaam likha hai,

Qateel ik khubsurat but hai, main jis ka pujaari hoon!
Mere mazhab ke khaaney mein magar Islam likha hai.
Ads go here