Ye Kya K Ishq Karoon

Ads go here

Ye Kya K Ishq Karoon Paas-e-Aabru Na Karoon
Mein Tujh Ko Kho K, Khuda Ki Bhi Justuju Na Karoon

Mein Intezaar-e-Tulu-e-Seher Mein Jeeta Hoon
Mein Apna Chaak-e-Girebaan Kabhi Rafu Na Karoon

Tu Sirf Jism Nahi Hai, Waraa-e-Jism Bhi Hai
Mein Tujh Ko Paa Ke Bhi Kiyun Teri Aarzu Na Karoon ?

Ghayyur Hun Ke Ijaara Pasand Hun, Kya Hun ?
Mein Tujhe Apnay Khuda K Bhi Ru-Baru Na Karoon

Ye Mashwaray To Mere Tark-e-Shair K Hain Nadeem!
Ke Jab Bhi Shair Kahoon, Dil Lahoo Lahoo Na Karoon!

Ads go here