Ye kya k sab se bayaan dil ki haalte'n karani

Ads go here

Ye kya k sab se bayaan dil ki haalte'n karani
 Faraz! tujh ko na aayin muhabbaten karani,

Ye qurb kya hai ke tu saamne hai aur hamen
Shumaar abhi se judaai ki saaten karani,

Koi khuda ho k patthar jise bhi ham chaahen
Tamaam umr usi ki ibaadaten karani,

Sab apne apne qarinay se muntazir us ke
Kisi ko shukr kisi ko shikayaten karani,

Ham apne dil se hain majaboor aur logon ko
Zara si baat pe barpa qayamten karani,

Mile'n jab un se to mubaham si guftagu karnai
Phir apne aap se so so vazaahate'n karani,

Ye log kaise magar dushmani nibhaatay hain
Hamin ko raas na aayin muhabbaten karani,

Kabhi Faraz! naye mausmo'n mein ro dena
Kabhi talaash puraani raqaabten karani…!

Ads go here