Zar ki namoos ki rasmon se baghaawat kar ke

Ads go here

Zar ki namoos ki rasmon se baghaawat kar ke,
Kuch nahin paaye ga wo mujh se mohabbat kar ke,

Baiy'n karti huyi aankhain, ye pareshan zulfain,
Aur kya chahte ho us se mohabbat kar ke,

Phool to phool hain zakhmon ke bhi nakhre hain yahan,
Hum ne dekha hai bohat in ki ibadat kar ke,

Ye kisi jabr pe honton ko siyaa karte hain,
Zulam karte hain woh zaalim ki himayat kar ke,

Dil ke sehraao’n ki veeraaniya’n jati hi nahin,
Teri yaadon ne bhi dekha yahan hijrat kar ke,

Wo mere hijr ko bhi khail samajhta hai Wasi!
Laut jaye ga kisi roz sharaarat kar ke..
Ads go here