Aanchal teri Yadon ka bhigo deti hai barish

Ads go here
Aanchal teri Yadon ka bhigo deti hai barish,
Sochon Pe jami Gard ko dho deti hai barish.

Hans hans k sunaati hai jahan bhar k fasanay,
Poochhon tere baare mein tu ro deti hai barish!

Lagte hain Piyaare meri aankhon ko Ye manzar,
Hairat! mere Ehsas ko wo deti hai barish!

Yaadoon ki mehak ho Ya tere hijr k taanay,
Chup chaap main rakh leta hoon jo deti hai barish!

Mujh Par tu jo karti hy so karti hai inayat,
Moti tere baalon mein Piro deti hai barish.
Ads go here