Baadshah Tere Asaab Pe Taari Main Thi,

Ads go here
Baadshah Tere Asaab Pe Taari Main Thi,
Wo bhi din thay k teri raaj-kumaari main thi.

Ye bhi such hai k mujhe maar diya hai tu ne,
Ye bhi such hai k tujhe jaan se piyaari main thi.

Saari dunya ko pata hai k tum mere ho,
Saari dunya ko pata hai tumhari main thi.

Dard kab tha wo tere dil mein junoon tha mera,
Ashq kab thay wo teri aankh se jaari main thi.

Ab tou ek jism hoon jis mein koi dharkan hai na dil,
Kabhi saanson ki tarha jaari-o-saari main thi.

Mujh ko dunya ne baantna chaha lekin,
Jis taraf dil tha udhar saari ki saari main thi.
Ads go here