Harf-e-Ranjish pe koi Baat Bhi ho Sakti hai

Ads go here
Harf-e-Ranjish pe koi Baat Bhi ho Sakti hai,
Ain Mumkin hai Mulaqaat B ho Sakti hai,

Zindagi Phool hai Khushbu hai magar Yaad rehay,
Zindagi Gardash-e- Halaat B ho Sakti Hai,

Hum Ne Ye Soch k Rakha Tha Qadam Gulshan Mein,
Lala-o-Gul Mein Teri Zaat B Ho Sakti Hai,

Cha'al Chaltey Huey Shatranj Ki Baazi k usool,
Bhool Jao Gay To Phir Maat B Ho Sakti Hai,

Aik to Chhat k Bina Ghar Hai Hamara Mohsin!
Us Pe Ye Khauf k Barsaat B Ho Sakti Hai.
Ads go here