Ik ik naqsh mita saktay thay MushkiL kya thi?

Ads go here
Ik ik naqsh mita saktay thay MushkiL kya thi?
Hum usay dil se bhula saktay thay Mushkil kya thi?

Hum nay chaha hi nahi chain se rehna warna !
Dasht-e-Gulzaar bana saktay thay Mushkil kya thi?

Jo diya hum ne jalaya hai Jala kar khud ko,
Wo Diya tum bhi Jala saktay thay Mushkil kya thi?

Theek hai hum se koi dost bnaya na gaya,
Ek Dushman to bana saktay thay Mushkil kya thi?

Kab se Samaan-e-Safar Bandh k baithy huwy thay,
Hum tumhen chhorr k Jaa saktay thy Mushkil kya thi..
Ads go here