Ik Umer talak Ashk Fishani Mein Raha Hai

Ads go here
Ik Umer talak Ashk Fishani Mein Raha Hai
Ae Ishq tera Dard Rawani mein raha Hai

Ye Chhor, Meray Saath Kabhi tha K Nahi tha
Wo Shakhs Magr Meri Kahani mein raha Hai

Ik Hijr tere Baad Rag-e-Jaan mein utar Kar
Taa-Umar Phir Alfaz-o-ma-ani mein raha Hai

Sehra Se teray Dil Ki Guzar Gaah talak dost
Dil Roz Nai Naqal Makani mein raha Hai

Wo Saath Nahi Mere Magr Sach Hai ye Mohsin!
Wo Shakhs sada aankh K Pani mein raha Hai.
Ads go here