Kal Raat Bazm mein Jo mila Gulbadan sa Tha

Ads go here
Kal Raat Bazm mein Jo mila Gulbadan sa Tha
Khushbu se Us K Lafz Thay Chehra Chaman sa Tha

Dekha Usay To Bol parray Us K Khad-o-khaal
Poocha Usay To Chup sa Raha Kam-Sukhan sa Tha

Tanhaiyoun Ki Rutt mein Bhi Lagta Tha Mutmainn
Wo Shaks Apni Zaat mein ik Anjuman sa Tha

Socha Ussay To mein Kayii Rungoon mein Kho gaya
Alam Tamaam Us K Haseen pairhann sa Tha

Jo SHaakh Shookh Thi, Woh Us K Laboon C Thi
Jo Phool Khil gaya Woh Ussi K Dehan sa Tha

Woh Saadgi pehan K Bhi Dil mein Utarr gaya
Uss Ki Her ik Ada mein Ajab Bhoolapan sa Tha

Asmaan Samjh rahay Thay Ussay Shehar.e.Jaan K Log
Mushkil Tha iss Qadar K Meray Apnay Funn Sa Tha

Woh guftagu Thi Uski Ussi K Liye Hi Thi
Kehnay Ko Yooun To mein Bhi Shareek.e.Sukhan sa Tha

Taaray Thay Chaadni mein K Tohmat K Daagh Thay
Mohsin! Kal Asmaan Bhi, Meray Kafann sa Tha .
Ads go here