Khuwahishon K Zehr Mein Ikhlaas Ka Rus Ghol Kar

Ads go here
Khuwahishon K Zehr Mein Ikhlaas Ka Rus Ghol Kar
Wo To Pathar Ho Gaya Do Chaar Din Hans Bol Kar

Dil Hujoom-e-Ghum Ki Zad Mein Tha Sambhalta Kab Talak
Ik Parinda Reh Gaya Aandhiyon Mein Par Tol Kar

Apne Honton Pe Saja Le Qeemti Heeron Se Lafz
Apni Surat Ki Tarah Baaten Bhi Tou Anmol Kar

Band Hathon Ka Muqadar Ban Gayi Thi Sab Kirnen
Saray Jugno Urr Gaye Dekha Jo Muthi Khol Kar

Shehr Wale Jhoot Pe Rakhte Hain Bunyad-e-Khuloos
Mujhko Pachtana Para MohsinYahan Such Bol Kar!
Ads go here