Kissi ko Yaad karta hai

Ads go here
Judaai k Mosam main
Utarti Shaam se Pehlay,

Meri Yakh-Basta Aankhon main
Khaamoshi Raqs karti hai,

To Usski Yaad ki Payal,
Yoon Mery Kaan main Aa kar,

Mussalsal Chanchhanati hai,
To Phir Yak-Dam Khaamoshi ka,

Tasalsul Toot jata hai,
Phir aisey mein koi Koyal,

Barray hi Qarb se Kookay,
To yoon Mehsoos hota hai,
k jaise Be-Sabab koi,

Kissi ko Yaad karta hai
Kissi ko Yaad karta hai...
Ads go here