Mere Baare Mein Hawaon Se Wo Kab Poochay Ga

Ads go here
Mere Baare Mein Hawaon Se Wo Kab Poochay Ga,
Khaak Jab Khaak Mein Mil Jaaye Gi Tab Poochay Ga,

Ghar Basaane Mein Ye Khatra Hai K Ghar Ka Malik,
Raat Mein Dair Se Aane Ka Sabab Poochey Ga,

Apna Gham Sub Ko Bataana Hai Tamaasha Karna,
Haal Dil Us Ko Sunaae'n Gay Wo Jab Poochey Ga,

Jab Bichrrana Bhi To Hanste Huwe Jaana Warna !
Har Koi Rooth K Jaane Ka Sabab Poochey Ga,

Hum Ne Lafzoo'n K Jahaan Daam Lagaye, Bech Diye,
Shehar Poochey Ga Humein Ab Na Adab Poochey Ga

Mein Aesi Ek Ghalat-Fehami Mein Duniya Se Gaya,
Jab Bhi Aaye Ga Mere Baare Mein Sub Poochey Ga.
Ads go here