Na Koi Rang Na Hathon Pe Hina Mere Baad

Ads go here
Na Koi Rang Na Hathon Pe Hina Mere Baad
Wo Mukamal He Siah-Posh Hua Mere Baad

Le K Jata Raha Har Sham Wo Phool Aur Charagh
Bas Yehi Us Ne Kia Jitna Jia Mere Baad

Roz Ja Ker Wo Samundar K Kinaray Chup Chaap
Nao Kaghaz Ki Bahata Hi Raha Mere Baad

Us K Honton Se Mera Naam Nikal Jata Tha
Jis Ne Apnaya Usay Chor Dia Mere Baad

IK Parinda Jo Bulata Tha Usay Meri Tarah
Wo Parinda Bhi To Qafs Mein Na Raha Mere Baad

Mein Ne Girnay Na Diye Thay Kabhi Aansu Us K
Shaid Is Wastay Wo Ro Na Saka Mere Baad

Mein Bhi Waisa Na Raha Us K Bichar Janay Se
Koi Us ko Bhi Pehchnn na Saka Mere Baad.
Ads go here