Teri khushbu meri saanson main basaney aaye

Ads go here
Teri khushbu meri saanson main basaney aaye,
Dil ki dunya mein baharon ke zamaney aaye,

Ye alag baat hai ke tabeer na de sath mera,
Khawab to jitne bhi aaye woh suhaaney aye,

Wo hai maghroor magar pyar se majboor bhi,
Khud hi naraaz kare khud hi mananey aaye,

Kyon tarss aya hai us ko meri tanhai par,
Wo mujhe meri nazar se na giraaney aye,

Wo bataye na mujhe apne bicharne ka sabab,
Us se keh do woh mera dil na jalaney aye,

Pyaar kya hota hai ab tak mujhe maloom na tha,
Chott khayi to mere hosh thikaaney aye,

Jo mera dil bhi sajaa de mere chehre pe Qateel!
Wo musawwar meri tasveer bananey aaye.
Ads go here