Us Dais Men Lagta Hai Adalat Nahi Hoti

Ads go here
Us Dais Men Lagta Hai Adalat Nahi Hoti,
Jis Dais Mein Insan Ki Hifazat Nahi Hoti

Makhloq-E-Khuda Jab Kisi Mushkil Mein Phansi Ho,
Sajde Mein Pare Rehna Ibadat Nahi Hoti

Hum Khak Nasheeno Se Hi Kyun Karte Hain Nafrat?
Kya Parda Nasheeno Men Ghalaazat Nahi Hoti.?

Ye Baat Nayi Nasal Ko Samjhani Pare Gi,
Ki Uryani Kabhi Bhi Saqaafat Nahi Hoti

Sar Ankhon Par Hum Usko Bitha Lete Hain Aksar,
Jis K Kisi Waade Mein Sadaaqat Nahi Hoti

Pohncha Hai Agrche Bara Nuqsan Hamesha,
Phir Bhi Kisi Bande Ki Ataa'at Nahi Hoti

Har Shakhs apne Sar Pe Kafan Bandh K Nikle,
Haq K Liye Larna To Baghawat Nahi Hoti.
Ads go here