Barri tarap hai meri iltaja k pardey mein,

Ads go here
Barri tarap hai meri iltaja k pardey mein,
Main tum ko mang raha hoon dua k pardey mein,

Usey bhi darr hai k ye raaz khul na jaye kahin,
Likhta hai naam mera wo Hina k pardey mein,

Main Us k koochey se guzra to ye mehsoos hua,
Mujhe pukara hai Us ne hawa k pardey mein,

Ajeeb tarz-e-maseehai Us ne dikhlai,
Hayyat meri badal di dua k pardey mein,

Is tarha chehrey ko zulf mein chupaya Us ne,
K jaise chand chupa ho ghat k pardy mein.
Ads go here