Chiragh-e-diyar-e-dil na bicharne ka tu malal kar,

Ads go here
Chiragh-e-diyar-e-dil na bicharne ka tu malal kar,
Tujhe de gi jeenay ka hosla meri yaad rakh le sambhal kar,

Ye bhi kya k ek hi shakhs ko kabhi sochna, kabhi bhoolna,
Jo na bujh sakay wo diya jala, jo na ho sakay wo kamal kar ,

Gham-e-aarzu meri justaju, main simat k aa gaya rubaru,
Ye sakoot-e-marg hai kis liye, main jawab doon tu sawal kar ,

Tu bichhar raha hai to soch le tere hath hai meri zindagi,
Tujhe rokna meri moat hai, meri be-basi ka khayal kar ,

Mere dard ka mere zabt ka meri be-basi mere sabr ka,
Jo yaqeen na aaye to dekh le, tu hawa mein phool uchal kar.
Ads go here