Dil kabhi Surat-e-Halaat se bahir na gaya,

Ads go here
Dil kabhi Surat-e-Halaat se bahir na gaya,
Main Mohabbat main bhi Auqaat se bahir na gaya,

Ek Tu hai k Jahan bhar se Talluq Tera,
Ek Main hoon k Teri Zaat se bahir na gaya,

Marhala Tujh se Judai ka bhi aa pohncha magar,
Main abhi pehli Mulaqaat se bahir na gaya,

Soch koi na Teri Soch se hat kar Sochi,
Tazkira koi Teri Baat se bahir na gya,

Aao Sooraj ko batate hain Tamazat kya hai,
Chand kya jane ye khud Raat se bahir na gaya.
Ads go here