Firaq-e-Yaar Ki Barish Malaal Ka Mosam,

Ads go here
Firaq-e-Yaar Ki Barish Malaal Ka Mosam,
Hamare Shehar Mein Utra Kamal Ka Mosam

Wo Ik Dua Jo Meri NaMurad Lot Aayi,
Zuban Se Rooth Gaya Phir Sawal Ka Mosam

Bohat Dinon Se Mere Neem'wa Darichon Mein,
Thehar Gaya Hai Tere Intizar Ka Mosam

Jo Beyakeen Hun Baharen Ujarr Bhi Sakti Hain,
Tu Aa K Dekh Le Mere Zawal Ka Mosam

Mohabaten Bhi Uski Dhoop Chaon Jesi Hain,
Kabhi Ye Jijr Kabhi Ye Wisal Ka Mosam

Koi Mila Hi Nahi Jisko Sonpte Mohsin!
Hum Apne Khuwab Ki Khushbu Khayal Ka Mosam.
Ads go here