Husn ki jheel ho tum aur kinaray hain ye Hont

Ads go here
Husn ki jheel ho tum aur kinaray hain ye Hont
Such tou yeh hai keh mujhay jaan se pyaray hain ye Hont

Main ne har bar mohabbat se inhain chooma hay
Us ne har bar mohabbat se ubharay hain ye Hont

Haath honton pe meray rakh k mujhay kehne lagi
Rokiye in ko bohat shoq k maaray hain ye Hont

Band Hote hain yah inkar ki surat mein magar
Adh khilay hon tou mohabbat k isharay hain ye Hont

Aaj khud apnay muqadar pe mujhy rashk aya
Aaj honton mein meray us ne otaray hain ye Hont

Choom kar Hont mery us ne kaha tha ye Qateel!
Bas tumhary hein, tumhary hein, tumhary hain ye Hont.
Ads go here