Kahani dard ki main zindagi se kya kehta,

Ads go here
Kahani dard ki main zindagi se kya kehta,
Ye dard us ne dya hai ussi se kya kehta

Gila tou mujh ko bhi karna tha pyaas ka lekin,
Jo khud hi sookh gayi us nadi se kya kehta

Mere aziz hi mujh ko samajh na paye kabhi,
Main apna haal kisi ajnabi se kya kehta

Andheri raat ne mujh ko bohut sataya hai,
Bhala ye baat ab main roshni se kya kehta

Tamaam shehar mein jhoot ka raaj tha,
Main apne ghum ki haqeeqat kisi se kya kehta
Ads go here