Kuch Es Ada Say Aaj Wo Pehlu Nasheen Rahay,

Ads go here
Kuch Es Ada Say Aaj Wo Pehlu Nasheen Rahay,
Jab Tak Hamaray Paas Rahay, Hum Nahin Rahay!

Ya Rab Kisi Kay Raaz-e-Mohabbat Ki Khair Ho,
Dast-e-Junoon Rahay Na Rahay, Aastin Rahay!

Dard-e-Ghum-e-Firaaq Kay Yeh Sakht Marhalay,
Hairaan Hoon Mein Kay Phir Bhi Tum, Itnay Haseen Rahay!

Ja Aur Koi Zabt Ki Duniya Talaash Kar,
Aey Ishq Hum To Ab Teray, Qaabil Nahin Rahay!

Es Ishq Ki Talaafi-e-Mafaat Dekhna,
Ronay Ki Hasratein Hain Jab, Aansu Nahin Rahay!
Ads go here