Kuch to hawa bhi sard thi, kuch tha tera Kheyal bhi

Ads go here
Kuch To Hawa Bhi Sard Thi Kuch Tha Tera Khayal Bhi,
Dil Ko Khushi K Sath Sath Hota Raha Malaal Bhi,

Bat Wo Aadhi Rat Ki Rat Wo Poore Chand Ki,
Chand Bhi Ain Cheet Ka Us Pe Tera Jamal Bhi,

Sab Se Nazar Bacha K Wo Mujh Ko Kuch Aise Dekhta,
Aik Dafa To Ruk Gai Gardis-E-Maah-O-Saal Bhi,

Dil To Chamak Sake Ga Kia Phir Bhi Tarsh K Dekh Lein,
Sheesha Giran-E-Shehr K Hath Ka Ye Kamal Bhi,


Usko na pa sake the jab dil ka ajib haal tha,
Ab jo palat k dekhiye baat thi kuch muhaal bhi,

Meri talab tha ek shakhs wo jo nahi mila to phir,
Hath dua se youn gira bhool gya sawal bhi,

Sham ki na-samjh hawa pooch rahi hai ek pata,
Mauj-e-hawa-e-ku-e-yaar kuch to mera khayal bhi,

Uske hi bazoun me aur usko hi sochte rahe,
Jism ki khwahishon pe the ruh ke aur jaal bhi.


Ads go here