Saja Ke Aankhon Mein Khawab Rakhna

Ads go here
Saja Ke Aankhon Mein Khawab Rakhna
Wafa Ke Rishte Gulab Rakhna

Faseel-e-Shab Mein Chiragh Ban Kar
Ye Zindagi Mahtaab Rakhna

Yoon Ishq Ka Imtehan Dena Ke Dil Ke Badlay Mein Jaan Dena
Jo Chand Chun-ne Ki Aarzu Ho To Justuju Lajawab Rakhna

Hazaar Batein Banaye Dunya Hazaar Dil Ko Dukhaye Dunya
Bhula Ke Sari Aziyaton Ko Utha Ke Kaante Gulab Rakhna

Kabhi Zamane Se Chhup Chhupa K Sakoot-e-Shab Mein Diye Bujha Ke
Hatheliyon Ko Dua Ki Shamma To Aankh Apni Chanab Rakhna

Adawtein Bhi Khuda Ki Khatir, Mohabten Bhi Khuda Ki Khatir,
Adawten Bas Gini Chuni Hon, Mohabatein Be-Hisaab Rakhna.

Ads go here