Ye jo be-rukhi hai baja nahi, Ye adaayen kiyun ye ghuroor kya,

Ads go here
Ye jo be-rukhi hai baja nahi, Ye adaayen kiyun ye ghuroor kya,
Ye guraiz kis liye is qadar, Ye khafa khafa se huzoor kya.

Tujhe yaad karna mazaq tha, Tujhe bhool jana azaab hai,
Ye saza hai jurm-e-firaaq ki, Mere haafizey ka qusoor kya.

Tere sath hay jo teri anaa, Mere sath mera naseeb hay,
Mujhe tujh se kesi shikayeten, Tujhe khud pe itna ghuroor kya.

Koi khawab tha k saraab tha, Jo guzar gaya so guzar gaya,
Ye baseeraton ka qusoor kyun, Ye basaaraton ka fatoor kya.

Ye tmhara chehra kitaab hay, Isey parh raha hun wraq wraq,
Zara baat saada likha karo, Ye muhawron ki satoor kya.

Dil-e-khud pasand sadaa na de, Keh ye ik sadaaon ka dasht hai,
Kahin kho gaye hain jo bheer mein, Humain dhoondna hai zaroor kya.
Ads go here