Ye Mizaj-e-Yaar Ko Kya Hua Unhen Mujh Se Pyar Hai Aj Kal,

Ads go here
Ye Mizaj-e-Yaar Ko Kya Hua Unhen Mujh Se Pyar Hai Aj Kal,
Meri Justaju Meri Guftagu Mera Intzar Hai Aj Kal,

Tere Khatoot Nikalna Kabhi Dekhna Kabhi Choomna,
Yehi Mashgala Yehi Silsila Yehi Karobar Hai Aj Kal,

Akela Na Ghar Se Nikal Miaa'n Zara Dekh Bhaal K Chal Miaa'n,
Barri Abtari, Barri Rehzani, Barri Loot Maar Hai Aj Kal,

Isy Qatal Ker Usay Qatal Kar Tujhe Saat Khoon Muaf Hein,
Teri Saltanat, Tera dabdaba, Tera Iqtidar Hai Aj Kal,

Aray Kaif Kal To Tu Rind Tha Mere Yaar Tujh Ko Kya Hua!
Barra Mazhabi, Barra Paarsa, Barra Deendar Hai Aj Kal.
Ads go here