Dil ki baat labon par la kar ab tak ham dukh sehte hain

Ads go here
Dil ki baat labon par la kar ab tak ham dukh sehte hain
Ham ne suna tha is basti mein dil wale bi rehte hain,

Beet gya sawan ka mahina mosam ne nazrain badleen
Lekin in payasi aankhon se ab tak aansoo behte hain,

Aik hamain awara kehna koi bara ilzam nahi
Dunya wale dil walon ko aur bohat kuch kehte hain,

Jin ki khatir shehr bhi chora jin ke liye badnaam huwe
Aaj wohi ham se begane begane se rehte hain,

Wo jo abhi is rah guzar se chaak gireban guzra tha
Us awara deewane ko jalib jalib kehte hain.
Ads go here