Na Tumhen Hosh Rahay Or Na Mujhe Hosh Rahay

Ads go here
Na Tumhen Hosh Rahay Or Na Mujhe Hosh Rahe
Is Qadar Toot Ke Chaho, Mujhe Pagal Kar Do,

Tum Hatheli Ko Mere Pyar Ki Mehndi Se Rango
Apni Aankhon Mein Mere Naam Ka Kajal Kar Do,

Ishq ke Saaye Mein Mere Khawaab Dhak Uthenge
Mere Chehre Pe Chamakta Huwa Aanchal Kar Do,

Dhoop Hi Dhoop Main Hoon Toot Ke Barso Mujh Par
Is Qadar Barso,Meri Rooh Mein Jal Thal Kar Do,

Jaise Sheheron Mein Har Shaam Hawa Chalti Hai
Is Tarah Mujh Mein Chalo Or Mujhe Thal Kar Do,

Tum Chupa Lo Mera Dil, Oat Mein Apne Dil Ki
Or Mujhe Meri Nigaahon Se Bhi Aujhal Kar Do,

Masla Hoon To Nigahein Na Churao Mujh Se
Apni Chahat Se, Tawajja Se Mujhe Hal Kar Do,

Apne Gham Se Kaho Har Waqt Mere Sath Rahe
Ek Ehsaan Karo Us Ko Musalsal Kar Do.
Ads go here