Wo apnay chehray mein soo-e-aaftaab rakhtay hain

Ads go here
Wo apnay chehray mein sau aaftaab rakhtay hain
Isi liye to wo rukh pe nakaab rakhtay hain,

Wo paas baithay to aati hai dil-ruba khushboo
Wo apnay hothon pe khilta gulab rakhtay hain,

Har ik wark mein tum hi tum ho jaan-e-mehboobi
Hum apnay dil ki kuch aisi kitab rakhtay hain,

Jahan-e-ishq mein Sohni kahin dikhayi dey
Hum apni aankh mein kitnay Chenab rakhtay hain,

Wo apnay chehray mein sau aaftaab rakhtay hain
Isi liye to wo rukh pay nakaab rakhtay hain.
Ads go here