Andhi aankhon mein khwab kya hon ge

Ads go here
Andhi aankhon mein khwab kya hon ge
un mein roshan shahaab kya hon ge,

jis ke sar par na aasman Thehra
uss ke sar par sahaab kya hon ge,

jo na behkey kabhi jwani mein
uss pe utre shahaab kya hon ge,

tujh ko chaaha teri ibadat ki
is se baRh kar sawab kya hon ge,

tan ki belon pe hai khizan chaayi
man mein khilte gulaab kya hon ge,

yun na mangein rifaqaten tujh se
jaante they jawaab kya hon ge,

chand lamhey wisaal ke basit
in se sehra seraab kya hon ge.
Ads go here