Aur Bhi Ho Gaye Begana Wo Ghaflat Kar ke

Ads go here
Aur Bhi Ho Gaye Begana Wo Ghaflat Kar ke
Aazamaya Jo Unhein Tark-e-Mohabbat Kar ke

Dil Ne Chhodaa Hai Na Chhode Tere Milne Ka Khayal
Baaraha Dekh Liya Humne Malamat Kar ke

Ruh Ne Payi Hai Takleef-e-Judai Se Nijaat
Aapki Yaad Ko Saramaya-e-Rahat Kar ke

Chhed Se Ab Wo Ye Kehte Hain Ki Sambhlo Hasarat!
Sabr-o-Taab-e-Dil-Beemaar Ko Garat Kar ke!
Ads go here